About this event:
Op 22 Junie kuier drie van die gewildste sangers in die Afrikaanse musiekbedryf, Ruhan du Toit, Ricus Nel en sy vrou Lisa, saam by die Voortrekkermonument vir die eerste Erfenis is Groot-konsert aan die voet van die Amfiteater.

Erfenis is Groot word vanjaar aangebied ten bate van Bloedrivier-erfenisterrein. Bloedrivier is geleë net buite Dundee in Noord-Natal en vertel die verhaal van die Slag van Bloedrivier, op die terrein waar dié veldslag op 16 Desember 1838 plaasgevind het. Alle fondse wat op die dag ingesamel word, sal aangewend word om verbeterings te doen op Bloedrivier-erfenisterrein.

Dans, sing en kuier saam in Afrikaans en help om jóú erfenis te bewaar. Geniet 'n luilekker familiedag met Boeresport en ""Boer-dra-'n-vrou"", kosstalletjies, braaigeriewe (bring jou vleisie saam) en vele meer.